මල් පාත්ති සකස් කිරීම (Flower Beds and Borders )

උද්‍යානයක අලංකරණය තීවෘර කරන්නට විධිමත්ව සකස්කළ මල්පාත්ති මත ක්‍රමවත්න සිටවූ මල් පැල වලට හැකිය.විවිධ වර්ණයෙන් හා හැඩයෙන් යුතු; මල්හට ගන්නා මෙන්ම විචිත්‍ර පත්‍ර සහිත මල් පැලෑටි පාරිසරික සාධක සහ වර්ණ සංයෝජනයට අනුව  ගලපමින් සිටුවීම උද්‍යානයක භූ දර්ශනය අත්‍යාලංකාර කිරීමකි. එමෙන්ම  මී මැස්සන්,සමනලුන් බත්කූරන් විවිධ පක්ෂීන් ආකර්ෂණයට ද  එය පිටුවහලකි. මෙය  දරැවන් වැඩිහිටියන් ඇතුළු නිවැසියන්ට ප්‍රිය උපදවන උද්‍යාන කලාපයයි.